(ភ្នំពេញ)៖ ក្រោយពីបញ្ចប់ពិធីរៀបមង្គលការ តាមគន្លងប្រពៃណីខ្មែរ បានដោយជោគជ័យ និងមានអ្នកសិល្បៈចូលរួមផ្ដល់វត្តមាន អបអរសាទរ យ៉ាងច្រើនកុះករ ផងនោះ ស្រាប់តែស្វាមីអ្នកនាង អន រ៉ាស៊ីសុមេតា ហៅណូម័រ គឺ VJ សុភា បានបញ្ចេញនូវបទចម្រៀងមួយបទ ដែលជាបទមនោសញ្ចេតនា ស្នេហាផ្អែមល្ហែម ហាក់បង្ហាញពីជីវិត ដ៏ស្រស់បំព្រង របស់ខ្លួន បន្ទាប់ពីរៀបការជាមួយនឹងមនុស្សជាទីស្រឡាញ់។
ជាការពិតណាស់ ថ្មីៗនេះ VJ សុភា បានបញ្ចេញនូវបចម្រៀងមួយបទមានចំណងជើងថា «ភពស្នេហ៍» ធ្វើឲ្យទស្សនិកជនមានការចាប់អារម្មណ៍និង លន្លង់លន្លោចជាមួយនឹងបទចម្រៀង របស់លោកមួយបទនេះយ៉ាងខ្លាំង ដែលអាចនិយាយបានថា បទ «ភពស្នេហ៍» មួយនេះ បង្កប់អត្ថន័យយ៉ាងជ្រាលជ្រៅ និយាយពីមនុស្សពីរអ្នកដែលបានស្រឡាញ់ និងតស៊ូជាមួយគ្នា រហូតដល់បានចូលរោងការ សាងអនាគតគ្រួសារជាមួយគ្នា។
គួររំឭកថា តារាសម្តែង និងជាពិធីការិនីរាងតូចច្រឡឹង ណូម័រ បានសម្រេចលាភាពនៅលីវ ត្រឹមថ្ងៃទី២៨ ខែឧសភា ឆ្នាំ២០១៩ ហើយ ដែលព្រមទទួលយកបុរសសង្ហា វីជេ សុភា ជាម្ចាស់បេះដូងមើលថែថ្នាក់ថ្នមបំពេពេញមួយជីវិត៕