(បាគូ)៖ ក្រុមបាល់ទាត់តោខៀវ Chelsea បានគ្រងតំណែងជេីងឯកពានលីគលំដាប់ទី២ អឺរ៉ុប UEFA Europa League ឆ្នាំ២០១៩ ក្រោយបំបាក់កាំភ្លេីងធំ Arsenal ក្នុងលទ្ធផល ៤-១ នៅវគ្គផ្តាច់ព្រ័ត្រយប់មិញនេះ។
ក្នុងជំនួបដ៏ស្វិតស្វាញសម្រាប់វគ្គទី១ ក្រុមមកពីទីក្រុង London នៃប្រទេសអង់គ្លេសទាំងពីរ បានបញ្ចប់ទៅដោយលទ្ធផលស្មេីគ្នា ០-០ នៅកីឡដ្ឋាន Baki Olympic ស្ថិតក្នុងទីក្រុង Baku ប្រទេសអាហ្សឺបៃហ្សង់ គ្រាដែល Chelsea បានស៊ុតចំគោលដៅ ២ជេីង តែត្រូវបានសង្រ្គោះដោយអ្នកចាំទី Peter Cech។
យ៉ាងណាខ្សែប្រយុទ្ធទាំងបីដែលត្រូវបានគ្រូបង្វឹក Maurizio Sarri ដាក់លេងក្នុងជម្រេីស ១១នាក់ដំបូងរួមមាន Olivier Giroud, Pedro និង Eden Hazard សុទ្ធតែរកបានម្នាក់១គ្រាប់នៅដេីមវគ្គទី២ និងគ្រាប់ទី២ របស់ Hazard នៅនាទី៧២ គ្រាដែល Alex Iwobi ជាអ្នកកបានតែ១គ្រាប់អោយ Arsenal ប៉ុណ្ណោះ។
នេះជាលេីកទី២ សម្រាប់ Chelsea ដែលឈ្នះពាន Europa League នេះ គិតចាប់តាំងពីបានឈ្នះំបូងក្នុងឆ្នាំ២០១៣ ក្រោយឈ្នះ Benfica របស់ព័រទុយហ្គាល់ និងបន្តការខកចិត្តដល់ Arsenal ក្នុងការឈ្នះពាននេះលេីកទី១ ផងដែរ ក្រៅពីធ្លាប់រងជេីងឯកម្តងដែរកាលឆ្នាំ២០០០។
គួរបញ្ជាក់ផងថា នេះក៏ជាមួយប្រកួតចុងក្រោយរបស់ Eden Hazard ក្នុងក្លឹប Chelsea ខណ:អ្នកចាំទី Petre Cech ប្រកាសចូលនិវត្តន៍ពីបាល់ទាត់៕