(ភ្នំពេញ)៖ ប្រិយមិត្តទស្សនិកជនប្រាកដជា ស្គាល់យ៉ាងច្បាស់នូវអតីតបវរកញ្ញាចក្រវាឡឆ្នាំ ២០១៨ តំណាងឲ្យប្រទេសកម្ពុជា ដើម្បីចេញទៅប្រកួតនៅក្រៅប្រទេស កញ្ញា រឿន ស៊ីណាត ខណៈកន្លងមក ទស្សនិកជនបានឃើញរួចមកហើយ នូវសមត្ថភាពនិងទេពកោសល្យ សិល្បៈ របស់តារាស្រីរូបនេះ ក្នុងការដើរម៉ូត ជាពិសេសនោះ គឺសម្ដែងក្នុងសាច់រឿងខ្លី បែបអប់រំតែម្ដង គឺរឿង «រឹងមាំ»។ យ៉ាងណាមិញ ក្រោយពីលេចមុខ ក្នុងរឿងបែបអប់រំ និងទទួលបានការគាំទ្រពីសំណាក់មហាជនហើយនោះ ពេលថ្មីៗនេះស្រីស្រស់ រឿន ស៊ីណាត បានលេចមុខជាក្នុង MV បទចម្រៀងថ្មីលើកដំបូង របស់តារាចម្រៀង ហ្សូណូ កាន់តែធ្វើឲ្យទស្សនិកជន មានចាប់អារម្មណ៍។
ជាការពិតណាស់ ថ្មីៗនេះ តារាចម្រៀងរបស់ផលិតកម្មហង្សមាស លោក ហ្សូណូ បានបញ្ចេញនូវស្នាដៃបទចម្រៀង ក៏ដូចជា MVថ្មី របស់ខ្លួន មានចំណងជើងថា «ហាម» ខណៈបទនេះជា បទបែបមនោសញ្ចេតនា ស្នេហាឈឺចាប់ កំពុងតែឆក់យកបានការគាំទ្រ ពីសំណាក់យុវវ័យ។ ដោយឡែកអ្វីដែលគួរឲ្យចាប់អារម្មណ៍ខ្លាំងថែមទៀតនោះ គឺកញ្ញា រឿន ស៊ីណាត ជាតួអង្គស្រី ក្នុងចម្រៀងនេះតែម្ដង ដែលត្រូវសម្ដែងជាមួយនឹងលោកហ្សូណូ។ គេសង្កេតឃើញថា ទោះបីជាអ្នកទាំងពីរទើបប៉ះគ្នាលើកទីមួយក្ដី តែពួកគេហាក់សម្ដែងបានយ៉ាងស័ក្ដិសម ជាពិសេសនោះគឺដូចជាគូស្នេហ៍ពិតៗ។
គួរបញ្ជាក់ថា នេះជាលើកទី១ហើយ ដែលអតីតបវរកញ្ញាចក្រវាឡ ឆ្នាំ២០១៨ កញ្ញា រឿន ស៊ីណាត បង្ហាញវត្តមានក្នុង MV បទចម្រៀង ខណៈសមត្ថភាពក្នុងការ សម្ដែងរបស់នាង គឺពិតជាស័ក្ដិសម និងដាក់អារម្មណ៍បានយ៉ាងល្អ បន្ទាប់ពីកន្លងមក នាងធ្លាប់តែបង្ហាញខ្លួនក្នុងរឿងអប់រំខ្លីតែប៉ុណ្ណោះ។
ចង់ដឹងថា បទចម្រៀង «ហាម» មានអត្ថន័យពីរោះ ព្រមទាំងការសម្ដែងពីកញ្ញា រឿន ស៊ីណាត ជាមួយនឹងលោក ហ្សូណូ ក្នុងបទ «ហាម» បានល្អយ៉ាងណានោះ សូមប្រិយមិត្តទស្សនិកជនរីករាយសណ្ដាប់ និងទស្សនាទាំងអស់គ្នា៖