(ភ្នំពេញ)៖ នៅមុននេះបន្តិចមានវត្តមានតារាសម្តែង ,តារាចម្រៀង, តារាកំប្លែង ប្រុសស្រីប្រមាណជិត១០០នាក់ បានចូលរួមថតកម្មវិធីសម្រាប់ឱកាសបុណ្យចូលឆ្នាំប្រពៃណីខ្មែរ ឲ្យស្ថានីយទូរទស្សន៍ប៉ុស្តិ៍លេខ៩ នៅម្តុំវត្តឃ្មួញ ខណ្ឌ សែនសុខ យ៉ាងសប្បាយរីករាយអបអរសាទរបុណ្យប្រពៃណីជាតិខ្មែរ។
វត្តមានតារាប្រុសស្រីបានតុបតែងខ្លួន យ៉ាងស្រស់ស្អាត ជាមួយឈុតប្រពៃណីខ្មែរ ចម្រុះពណ៌ប្រកបដោយទឹកមុខសប្បាយរីករាយអបអរសាទរ បុណ្យចូលឆ្នាំប្រពៃណីខ្មែរ ដោយតារាទាំងអស់បានរាំកម្សាន្តសប្បាយ នូវបទប្រពៃណីខ្មែរជាច្រេីនបទ ដោយមិនមានការហត់នឿយទេ។
បេីតាម លោក ខេន វណ្ណាថាត់ ដែលជាអ្នកដឹកនាំថតកម្មវិធី បុណ្យចូលឆ្នាំរបស់ទូរទស្សន៍ប៉ុស្តិ៍លេខ៩ បានប្រាប់ឲ្យដឹងថា ឆ្នាំនេះទូរទស្សន៍បានសម្រឹតសម្រាំង ការថតបទចម្រៀងក្នុងឱកាសបុណ្យចូលឆ្នាំប្រពៃណីខ្មែរ កាន់តែពិសេស មានតារាជាច្រេីនចូលរួម សុទ្ធសឹងតែតារាល្បីៗ ធ្វេីយ៉ាងណាបង្កភាពសប្បាយរីករាយ ជូនដល់បងប្អូនប្រជាពលរដ្ឋខ្មែរ ក្នុងឱកាសស្វាគមន៍ឆ្នាំថ្មី។
ដូច្នេះចង់ដឹងថា មានអ្នកសិល្បៈរូបណាខ្លះចូលរួម សូមអញ្ជេីញទស្សនារូបភាពខាងក្រោម៖