(ភ្នំពេញ)៖ បច្ចុប្បន្ននេះ ហ្វេសប៊ុក គឺជាបណ្តាញសង្គមដ៏ល្បីល្បាញមួយ ដែលមានអ្នកប្រើប្រាស់រាប់លាននាក់ ក្នុងចំណោមនោះ អ្នកខ្លះក៏ប្រើ ដើម្បីកំសាន្តអារម្មណ៍ យល់ដឹងពីព័ត៌មានផ្សេង និងដើម្បីប្រកបអាជីកម្ម។ល។ យ៉ាងណាមិញ ក្នុងនោះ ក៏មានជនខិលខូចមួយចំនួន លេងហ្វេសប៊ុក ដើម្បីកេងចំណេញផលប្រយោជន៍ពីអ្នកដដៃ ដើរបោកប្រាស់គេជាដើម ខណៈថ្មីៗនេះ តារាសម្តែង និងពិធីការិនី កញ្ញា ណាក់ ស្រីណា ត្រូវបានជនខិលខូច ប្រើឈ្មោះ បង្កើតគណនីហ្វេសប៊ុកមួយ ឆាតខ្ចីលុយគេឯងឥតអាសូរ។
ដើម្បីកុំឱ្យមានការយល់ច្រឡំ និងក្លាយអ្នកសិល្បៈ ឬអ្នកដែលស្គាល់ខ្លួន ចាញ់បោកជនខិលខូច កញ្ញា ណាក់ ស្រីណា ដែលមានគណនីផ្លូវការឈ្មោះ «Nak Sreyna» បានបង្ហោះសារជាព័ត៌មានថា «សូមបងប្អូនទាំងអស់គ្នាជួយ shear ផង ដើម្បីកុំឱ្យមានការយល់ច្រលំ និងត្រូវចាញ់បោកជនខិលខូច
នេះមិនមែនជាគណនេយ្យ Facebook របស់ខ្ញុំទេ ដូច្នេះប្រសិនបើបងប្អូនឃើញ Facebook ឈ្មោះ អ៊ីសា អ៊ីសា (រ័ត្នមុន្នីពេជ្រ) មួយនេះ chart ទៅខ្ចីលុយរឺក៏មានការប្រើប្រាស់ខុសឆ្គង ដោយប្រការណាមួយ នាងខ្ញុំសូមមិនទទួលខុសត្រូវឡើយ។ សូមបញ្ជាក់ថា Facebook ពិតរបស់ខ្ញុំមានតែមួយគត់គឺ Nak Sreyna ដែលខ្ញុំកំពុងប្រើរាល់ថ្ងៃនេះ អរគុណបងប្អូន និងមិត្តភ័ក្ដិទាំងអស់គ្នា ដែលបានផ្តល់ដំណឹងមកឱ្យខ្ញុំ»។
បើទោះបីជា គណនីហ្វេសប៊ុកខាងលើ មិនបានដាក់ឈ្មោះ ណាក់ ស្រីណា ចំៗក្តី តែបានប្រើរូបភាពរបស់តារាស្រីរូបនេះ ដែលធ្វើឱ្យទស្សនិកជន និងអ្នកធ្លាប់ស្គាល់មានការយល់ច្រឡំ ថាស្មានតែគណនីផ្សេងមួយទៀតរបស់នាង តែយ៉ាងណាសាររបស់ នាងខាងលើ ប្រៀបបាននឹងសារមួយ ឱ្យមហាជនមានការប្រុងប្រយ័ត្ន កុំឱ្យចាញ់បោកបុគ្គលខិលខូច៕
