(ភ្នំពេញ)៖ ក្លឹបបាល់ទាត់អាស៊ីអឺរ៉ុប យូណាយធីត បានផ្តល់កិច្ចសន្យាផ្លូវការដល់កីឡាករចំណូលថ្មី ១២រូប ដើម្បីត្រៀមចូលរួមការប្រកួតប្រជែងក្នុងក្របខណ្ឌលីគកំពូលកម្ពុជា និងប្រជែងពានរង្វាន់សម្ដេចតេជោ ហ៊ុន សែន ឆ្នាំ២០១៩ ខាងមុខ។
បើតាមការចេញផ្សាយរបស់ក្លឹបខាងលើបានឲ្យដឹងថា ក្នុងចំណោមសមាជិកដែលបានចុះកិច្ចសន្យាជាផ្លូវការនេះក៏មានកីឡាករ ៣រូបធ្លាប់ចំណាយពេលចូលរួមនៅរដូវកាលមុនលើលក្ខខណ្ឌខ្ចីពីក្លឹបព្រះខ័នរាជស្វាយរៀង មានកីឡាករខ្សែបម្រើ ម៉ន កក្កដា ខ្សែការពារ កែវ សារ៉ាត់ និង ឡាយ រស្មី។
បញ្ជីកីឡាករថ្មីទាំង១២នាក់ មានដូចខាងក្រោម៖
១៖ គុយ សម្បត្តិ តួនាទី អ្នកចាំទី មកពីក្លឹបបាល់ទាត់ពាក់កណ្តាលអាជីព អាណាចក្របៃតង
២៖ វី ចាន់តារា តួនាទី បម្រើ ជាក្រុមយុវជនអាយុក្រោម ១៩ឆ្នាំ ក្លឹបបាល់ទាត់ក្រសួងការពារជាតិ
៣៖ អ៊ុ ឧត្តម តួនាទី បម្រើ ជាក្រុមយុវជនអាយុក្រោម ១៩ឆ្នាំ ក្លឹបបាល់ទាត់ក្រសួងការពារជាតិ
៤៖ កែវ រចនា តួនាទី ការពារ ជាក្រុមយុវជនអាយុក្រោម ១៩ឆ្នាំ ក្លឹបបាល់ទាត់ព្រះខ័នរាជស្វាយរៀង
៥៖ ម៉ន កក្កដា តួនាទី បម្រើ មកពីក្លឹបបាល់ទាត់ព្រះខ័នរាជស្វាយរៀង
៦៖ កែវ សារ៉ាត តួនាទី ការពារ មកពីក្លឹបបាល់ទាត់ព្រះខ័នរាជស្វាយរៀង
៧៖ ឡាយ រស្មី តួនាទី ការពារ មកពីក្លឹបបាល់ទាត់ព្រះខ័នរាជស្វាយរៀង
៨៖ ឡូង បូរ៉ាន តួនាទី ការពារ មកពីក្លឹបបាល់ទាត់សូទីឡូអង្គរ
៩៖ ចាន់ ថុលវាស្នា តួនាទី បំរើមកពីបាល់ទាត់សូទីឡូអង្គរ
១០៖ ចាន់ ភារម្យ តួនាទី ការពារ មកពីក្លឹបបាល់ទាត់វេស្ទើនភ្នំពេញ
១១៖ សួន ឈុនសេង តួនាទី បម្រើ មកពីក្លឹបបាល់ទាត់វិសាខា
១២៖ រុន រានី តួនាទី ប្រយុទ្ធ មកពីក្លឹបបាល់ទាត់ណាហ្គាវើល។
លោក សុក វាសនា គ្រូបង្គោលក្លឹបអាស៊ីអឺរ៉ុបខាងលើបានឲ្យដឹងដែរថា គិតមកទល់ពេលនេះក្រុមរបស់លោកមានកីឡាករក្នុងស្រុក ២១នាក់ហើយ ពោលគឺបូករួមកូនក្រុមនៅសល់ពីរដូវកាលមុន ហើយអាចថែមអ្នកមានបទពិសោធន៍ម្នាក់ទៅ២នាក់ទៀតក្នុងការបង្គ្រប់បញ្ជី ចំណែកសមាសភាពបរទេសវិញ លោកថា អាចនាំចូលតែ ៤រូបប៉ុណ្ណោះ៕
