(ភ្នំពេញ)៖ រាល់រថយន្តដឹកទំនិញទាំងអស់ នឹងមិនអនុញ្ញាតឱ្យធ្វើចរាចរណ៍ នៅលើកំណាត់ផ្លូវជាតិលេខ១ ចាប់ពីចំណុចគល់ស្ពានព្រះមុនីវង្ស រហូតដល់វត្តក្តីតាកុយ ទៀតទេ ហើយត្រូវបើកវាងតាមស្ពានព្រែកសំរោង ក្រុងតាខ្មៅវិញ ដើម្បីបន្ថយការកកស្ទះចរាចរណ៍ ខណៈដែលកំណាត់ផ្លូវនេះ កំពុងតែសាងសង់ពង្រីកឱ្យធំជាងមុន នេះបើតាមការប្រកាសរបស់សាលារាជធានីភ្នំពេញ នៅថ្ងៃទី១១ ខែឧសភានេះ។
សាលារាជធានីបានអះអាងថា បច្ចុប្បន្នក្រុមជំនាញកំពុងពង្រីកផ្លូវខាងលើផ្លូវនេះ ហើយជួបប្រទះទៅនឹងបញ្ហាកកស្ទះចរាចរណ៍យ៉ាងធ្ងន់ធ្ងរជារៀងរាល់ថ្ងៃ ដែលធ្វើឱ្យគម្រោងពង្រីកផ្លូវលេខ១ អាចនឹងមិនបញ្ចប់តាមការកំណត់៕
។