(ភ្នំពេញ)៖ នៅម៉ោងប្រមាណ ៧៖០០នាទីព្រឹកថ្ងៃទី០២ ខែមេសានេះ សពលោក ប៉ែន សមិទ្ធិ និពន្ធនាយកកាសែតរស្មីកម្ពុជា និងជាប្រធានក្លឹបអ្នកកាសែតកម្ពុជា បានធ្វើការដង្ហែចេញពីគេហដ្ឋានរបស់លោក ស្ថិតនៅផ្ទះលេខ១ ផ្លូវលេខ១៤៥ សង្កាត់ផ្សារដើមថ្កូវ ខណ្ឌចំការមន ចេញទៅរៀបចំពិធីបូជាតាមប្រពៃណីខ្មែរ នាវត្តលង្ការ ប្រកបដោយក្តីស្រណោះជាទីបំផុត។
ពីធិដង្ហែ និងបូជានោះគេឃើញ មានការចូលរួមពីបណ្តាសាច់ញាតិរបស់ក្រុមគ្រួសារនៃសព មន្ត្រីជាន់ខ្ពស់នៃរាជរដ្ឋាភិបាល ក្រុមអ្នករួមអាជីពសារព័ត៌មានជាច្រើនរូប ព្រមទាំងមានការអញ្ជើញចូលរួមពីលោករដ្ឋមន្ត្រី ខៀវ កាញារីទ្ធ និងលោក ប៉ែន បញ្ញា បងប្រុសបង្កើតរបស់លោក ប៉ែន សមិទ្ធិ៕