(ភ្នំពេញ)៖ ដើម្បីចូលរួមលើកកម្ពស់សោភ័ណភាព រាជធានីភ្នំពេញ ឲ្យកាន់តែស្រស់ឆើតឆាយ កាន់តែខ្លាំងថែមទៀតនោះ សាលារាជធានីភ្នំពេញ បានចេញសេចក្តីប្រកាសព័ត៌មានមួយ នៅលើបណ្តាញទំនាក់ទំនងសង្គម Facebook របស់ខ្លួន កាលពីពេលថ្មីៗនេះថា សាលារាជធានីភ្នំពេញ មានគម្រោងស្ថាបនាកែលំអ លើកសម្រស់សួនវិមានឯករាជ្យ និងសួនច្បារផ្សេងៗទៀត ក្នុងបំណងលើកសម្រស់រាជធានីភ្នំពេញ ឲ្យកាន់តែមានភាពស្រស់បំព្រងបន្ថែមទៀត ។
ហើយនៅថ្ងៃទី២៧ ខែកុម្ភៈ ម្សិលមិញនេះ សាលារាជធានីភ្នំពេញ បានចាប់ផ្តើមជួសជុលកែលំអ សួនច្បាររង្វង់មូលផ្សារដើមថ្កូវ មានទីតាំងប្រសព្វរវាងផ្លូវលេខ៤៣០ ផ្លូវលេខ៤៨៨ និងផ្លូវលេខ១៦៣ ក្នុងខណ្ឌចំការមន ដោយការដ្ឋាននេះ នឹងប្រើរយៈពេលបព្ចាប់ការជួសជុលចំនួន ២១ថ្ងៃ៕