(ភ្នំពេញ)៖ សាលារាជធានីភ្នំពេញ សូមជូនដំណឹងដល់សាធារណជន ទាំងអស់ឲ្យបានជ្រាបថា ដើម្បីកាត់បន្ថយការកកស្ទះចរាចរ ដែលតែងតែកើតមានជារៀងរាល់ថ្ងៃ នៅលើកំណាត់វិថីសុធារស ចាប់ពីផ្លូវមុខស្ថានទូតរុស្ស៊ី ដល់ភ្លើងស្តុបជលផល (ស្តុបចំការមន) ប្រសព្វមហាវិថីព្រះនរោត្តម អាជ្ញាធរក្រុងនឹងដាក់កំណាត់វិថីសុធារសនេះ ជាផ្លូវឯកទិស ដោយអនុញាតឲ្យតែយានយន្ត ធ្វើចរាចរពីទិសស្ថានទូតរុស្ស៊ី ឆ្ពោះទៅភ្លើងស្តុបជលផល តែ១ទិសប៉ុណ្ណោះ។
ចំណែកការធ្វើចរាចរយានយន្ត ពីទិសភ្លើងស្តុបជលផល (ស្តុបចំការមន) ឆ្ពោះទៅស្ថានទូតរុស្ស៊ី គឺមិនអនុញ្ញាតឡើយ។ ការកែសម្រួលចរាចរនេះ នឹងចាប់ផ្តើមអនុវត្ត ចាប់ពីថ្ងៃទី២ ខែមីនា ឆ្នាំ២០១៥ តទៅ៕