(កំពង់ចាម)៖ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម លោក កែវ ធីវុធ ឧបការី នៃអង្គភាពប្រឆាំងអំពើពុករលួយ (ACU) នៅរសៀលថ្ងៃទី១៥ ខែវិច្ឆិកា ឆ្នាំ២០១៨នេះ បាន​ផ្សព្វផ្សាយច្បាប់​ស្តីពីការប្រឆាំងអំពើពុករលួយ និងច្បាប់ស្តីពីវិសោធនកម្មច្បាប់ ស្តីពីការប្រឆាំងអំពើពុករលួយ ដល់មន្ដ្រីនគរបាលខេត្តកំពង់ចាម។

ថ្លែងក្នុងឱកាសនោះ លោកឧត្តមសេនីយ៍ទោ ឯម កុសល បានមានមតិសំណេះសំណាល ​បើកកម្មវិធី និងផ្តាំផ្ញើដល់មន្ត្រីក្រោមឱវាទឲឥ្យយកចិត្តទុកដាក់ និងអនុវត្តឲ្យបានច្បាប់​ស្តីពីការប្រឆាំងអំពើពុករលួយ និងច្បាប់ស្តីពីវិសោធនកម្មច្បាប់ ស្តីពីការប្រឆាំងអំពើពុករលួយ ហើយដាច់ខាតត្រូវចៀសឲ្យឆ្ងាយពីទង្វើ​ទាំងនេះ។

បន្ថែមពីនេះ លោក កែវ ធីវុធ ឧបការីនៃអង្គភាពប្រឆាំងអំពើរលួយ បាន​ធ្វើការផ្សព្វផ្សាយពីបំណិន នៃអំពើពុករលួយ បទ​ល្មើស​ស៊ីសំណូកនិយោជិក   បទល្មើសអ្នកសូក និងបទល្មើសអ្នកទទួលសំណូក បទល្មើសដេញថ្លៃមិនត្រឹមត្រូវ បទល្មើសវិតិក្រម បទល្មើស​កេងយកផលប្រយោជន៍ដោយខុសច្បាប់ បទល្មើស​រំលោភអំណាច​ បទល្មើសមិនប្រកាស​ទ្រព្យ និងបំណុល​បទល្មើស រារាំង ​និងជ្រៀតជ្រៀតដល់ការងាអង្គភាពប្រឆាំអំពើពុករលួយ
និងបទល្មើសផ្សេងជាច្រើនទៀត។

​ក្នុងកិច្ចប្រជុំនេះដែរ លោក​ កែវ ធីវុធ បានផ្សព្វផ្សាយដល់មន្ត្រីក្រោមឱវាទត្រូវយកចិត្តទុកដាក់​ទៅលើការបង្ការទប់ ស្កាត់ អនុវត្តច្បាប់ និងវិធី​ដាក់ពាក្យប្តឹង ទៅអង្គភាពប្រឆាំងអំពើពុករលួយ។

សូមជម្រាបថា កិច្ចប្រជុំខាងលើនេះ ក៏មាន​ចូលរួមពី លោកស្នងការរង លោក​អនុផែន លោកនាយការិយាល័យ ​លោក​នាយ​រងការិយាល័យ លោកអធិការ​នគរបាលស្រុក-ក្រុងទាំង១០ លោកអធិការរង លោកនាយ​ប៉ុស្តិ៍នគរបាលរដ្ឋបាល​១០៩ សរុបរួម​៣២៣រូប៕